"یول" و کپهنک" درگیلری بارهده قیسا بیلگی
’يول‘ درگیسی، اؤتن يوزايللييين دوخسانلاريندا تهراندا چيخان درگي ايدي. ا.طاهانين باشيازارليغي ايله تام آذربايجان توٍرکجهسينده بوراخيلان بو درگي، گونئي آذربايجان مطبوعات تاريخينده حاديثه ساييليردي. واختيله سولچولارين "کيهان" مؤسسهسينه باشچيليق ائتدييي زامان ايشيق اوٍزو گؤرموش يوْلدا يئنيليکلر آز دئييلدي. يول گونئي آذربايجانين بيرينجي رنگلي درگيسي، يئپيئني مضمونلو، و ميللي حؤکومت زامانيندان بري چيخان ان يوکسک تيراژلي نشر اورگاني ايدي. هابئله يوْلون اؤزوٍندن اؤنمسيز اولمايان "کپنک" درگيسي، يولون علاوهسي کيمي اوشاقلار اوٍچون بوراخيليردي. سون نؤمرهلرده صحيفهلرينين سايي 64ـده قدهر آرتيمش بو علاوهنين ايندييه قدهر بنزهري چيخماييب. ا.طاها يول و کپينک درگيلرينه 25 ـجي نؤمرهيه قدهر باشچيليق ائتدي. همين سايي ايشيق اوٍزو گؤردوکدن سونرا مضمون و ديلين دييشديريلمهسينه داير گلن امرلره بوْيون قوْيماراق رئداکسيادان اوزاقلاشدي.