"قورشون هاردان آچیلدی" ساده جه بیر رومان دئییل
محمد رمضانی
" قورشون هاردان آچیلدی" بیر کیچیک روماندیر کی ایواز طاها یازیب. بو رومان ایلک کز ۲۰۰۶-جی ایلده باکیدا باسیلیب و ایکینجی کز ۱۳۸۵- جی ایلده ایراندا عرب الفباسیلا چیخیب دیر.
"قورشون هاردان آچیلدی" کند یئرلرینده کئچن بیر حئکایهنی اله آلاراق اونو اوخوجولارا گؤستریر. بو رومان کندین گؤزل و آرام یئرلرینده نئجه قیرغین سالماق، اینتیقام آلماق و قانی قانلا یوماقدان دانیشیر بیزلره. "قورشون هاردان آچیلدی" قان حاققیندا دانیشیر و قانی سویا باغلارکن بو یاشاییش باغیشلایان سودان نئجه وورغونلار و قیرغینلار تؤرهنمهسینی آچیقلاییر.
"قورشون هاردان آچیلدی" ساده جه بیر رومان دئییل. بو روماندا یازیچی زامانلاری دال- قاباغا چکیب و اونلارین یئرلرینی دییشمکله بیزده داها چوخ ماراق یارادیر رومانی آخیرهدک اوخوماغا. سانیرام بو رومان او یازیلاردان دیر کی، بیر کز اوخوماقلا اونا تنقید یازماق و حتتا اونو دوشونمک مومکون اولمایاجاق. بو کیتابین حئکایهسینی بیر کس بَیَنسه گرهکدیر کی، بیر زامان کئچندن سونرا بیر داها اونو اوخویا و داها گؤزل باشا دوشه. قورشون هاردان آچیلدی رومان ساحهسینده گوجلو بیر یازیدیر و گرهکدیر کی، اوخویانلار اونا چوخ توجه ائدیب، اونون بارهسینده دوشونمهیه و یئنی دن اونا قاییدیب و اوخوماغینا اوز قویالار.
بو رومانین ان گؤزل و تاثیرلی صحنه سی منجه ۳۸-جی صحیفه ده کئچیر: «اؤتن دؤنه اوچ گون، اوچ گئجه قانلی توققوشمالارین آردینجا یئنه ده یایلیق دادیمیزا چاتدی. ننهم آغ یایلیغینی قارشی طایفا دؤیوشچیلرینین آیاغی آلتینا سردیکده، ووروشما دایاندی. بیزیمکیلر ننهنین بو ایشینه آجیسالار دا، قارشی طایفا آداملاری بیر سسله: ـ ننه نین یایلیغیندان کئچمک اولماز، آغاجلاری یئره آتین! ـ دئدیلر.»
"قورشون هاردان آچیلدی" کیتابینین باسقینیندا بیر سهو وار کی، اونو ۳۹-جی صحیفه ده گؤره بیلرسسیز. بو صحیفه قاباقکی صحیفه نین تکراریدیر. گؤزل اولار کی، یازیچی و کیتابی نشر ائدنلر باشقا باسقیلاردا بونا التفات ائدیب او صحیفهنی دییشهلر.
قایناق:
http://dumanly.blogfa.com/page/qurshun.aspx
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ.
جناب محمد رمضانی اؤز وئبلاگیندا بئله تقدیم اولونوب:
معلم. ساکن تبریز. متولد 1343.
کتابهای چاپ شده:
باغبان ژنرال و عطر گل سرخ. سروش. داستان برای کودکان
معجزه اشک آبی. انتشارات برگ. مجموعه داستان نوجوانان
روز پرواز کبوتران. نشر کوثر قلم. داستان کودکان
ماجراهای شیرین از زندگی شیرین یک فرماندار. انتشارات پیدایش. مجموعه داستان طنز نوجوانان
فیلمنامه: رسم شیدایی از شبکه 2
